Categories
Uncategorized

Albin Kurti ka një kusht për të diskutuar idenë e Vuciqit dhe Ramës

Kreu i Lëvizjes Vetëvendosje dhe njëkohësisht kandidati për kryeministër, Albin Kurti, ka thënë se çështja e ‘Mini-shengenit’ është një temë e nxehtë, andaj ai ka një kusht për të diskutuar lidhur me idenë e Vuçiqit dhe Ramës.

“Nëse mini Shengeni e mban reciprocitetin Kosovë-Serbi atëherë diskutojmë”, ka thënë Kurti.

Temë kjo e cila ishte shumë aktuale kohëve të fundit, ku Shqipëria, Maqedonia e Veriut dhe Serbia kanë pasur disa takime në lidhje me këtë ide, por Kosova nuk ka qenë deri më tani.

Tutje Kurti ka treguar arsyen pse Vetëvendosje do të bëjë marshim më 28 nëntor në Tiranë.

“Qendra e Vetëvendosjes në Tiranë nuk është as pozitë as opozitë, ajo është rregjistuar si OJF”, thotë Kurti në Top Channel.

“Ne e kemi frymën e përbashkët por nuk dirigjojmë dhe drejtojmë njëri tjetrin. Ne jemi demokratë, ne e duam bashkimin kombëtar dhe sa më shumë aktivitete më 28 në frymën e bashkimit, aq më mirë është. Të zbatohen marrëveshjet që janë midis Kosovës dhe Shqipërisë”, shtoi Kurti.

Categories
Uncategorized

Buzhala dhe Murati përplasen për kombin në Pressing

Në emisionin Pressing në T7 po zhvillohet një debat për kombin shqiptar.

Valon Murati nga Lëvizja për Bashkim dhe gazetari Berat Buzhala kanë debatuar për rolin e Shqipërisë në krijimin e shtetit të Kosovës.

“Tema për bashkim është tërheqje e vëmendjes prej problemeve tjera. Nuk e mohoj se jemi shqiptar. Ne jemi shqiptar brenda Kosovës dhe sa herë shkoj në debate në Tiranë u them se ne jemi shqiptarë më shumë se ju për shkak se kemi dhënë kontribut për krijimin e këtij shteti shqiptar që kemi”, tha Buzhala.

“Shqipëria na ka tradhtuar dy herë gjatë historisë. Së pari Ahmet Zogu që shpalli veten mbret të shqiptarëve dhe e dyta Enver Hoxha kur shiti Kosovën”, tha Buzhala e këtu ndërhyri Murati duke thënë se Shqipëria nuk ka mundur që të e shiste Kosovën pasi që kurrë nuk ishte e saja.

“Shqipëria nuk ka mundur të shiste diçka që nuk i takonte asnjëherë. Fuqitë e mëdha nuk lejuan ndërrime të territoreve pas luftës së dytë botërore. Shtetet që humbën luftën dhanë dshumë territore. Fakt e kemi Gjermaninë. Polonia e sotme është mbi gjysmën e territorit gjerman, por gjermanët e pranuan këtë realitet pasi që humbën luftën”

“Kosova nuk do ishte shtet sot pa Shqipërinë. Pa Shqipërinë nuk do të kishte UÇK dhe armatime”

Ndërkohë Buzhala tha se përveç Shqipërisë, armatime kanë dhënë për vendin tonë edhe Kroacia dhe shqiptarët nga SHBA’ja. Buzhala po ashtu shtoi se tema e bashkimit kombëtar keqpërdoret nga politikanët për të larguar vëmendjen nga problemet e tjera me të cilat përballet kombi. /Express/

Categories
Uncategorized

Si do të jetë moti në Kosovë të premten dhe të shtunën?

Ditëve në vijim do të mbajë mot me vranësira të ndryshueshme dhe intervale me diell, derisa orëve të mëngjes në vise të ulëta do ketë mjegull, ndërsa temperaturat do të pësojnë rënie të lehtë, por mbeten mbi vlera mesatare, bën të ditur Prishtina Weather.

Sipas shërbimit të meteorologjisë, “vlerat e cilësisë së ajrit edhe sonte dhe nesër do të rriten në të pashëndetshme, e në fundjavë pritet të zbresin përreth vlerave të pranueshme, pasi që parashihet të ketë qarkullim të mjaftueshëm ajror, që do të mundësojë shpërndarjen e ndotësve të grumbulluar në shtresa të ulëta atmosferike”.

Parashikimi për datat 22-23 nëntor:

22.11.2019 – Në mëngjes ftohtë, kryesisht me vranësira, në ultësira me mjegull. Ditën vranësira të ndryshueshme. Erë e lehtë verilindore 1-3m/s, e në perëndim të vendit drejtimesh të ndryshme. Indeksi UV: 1.

23.11.2019 – Në mëngjes kryesisht me vranësira dhe mjegull në ultësira. Ditën priten kthjellime. Erë e lehtë dhe mesatare nga jugperëndimi dhe juglindja 1-6m/s. Indeksi UV: 1.

Categories
Uncategorized

Albin Kurti për marshimin e VV’së më 28 nëntor: Ne e duam bashkimin kombëtar

Kryetari i Lëvizjes Vetëvendosje, Albin Kurti, i cili është edhe kandidati kryesor për të qenë kryeministri i ardhshëm i Kosovës, ka folur për marshimin me 28 nëntor në Shqipëri që është organizuar nga qendra e VV’së në Tiranë.

Kur është pyetur se përse Lëvizja Vetëvendosje do të bëjë marshim më 28 nëntor në Tiranë Kurti është përgjigjur kështu:

“Qendra e Vetëvendosjes në Tiranë nuk është as pozitë as opozitë, ajo është rregjistuar si OJF”, thotë Kurti.

“Ne e kemi frymën e përbashkët por nuk dirigjojmë dhe drejtojmë njëri tjetrin. Ne jemi demokratë, ne e duam bashkimin kombëtar dhe sa më shumë aktivitete më 28 në frymën e bashkimit, aq më mirë është. Të zbatohen marrëveshjet që janë midis Kosovës dhe Shqipërisë”

Categories
Uncategorized

Hello world!

Welcome to WordPress. This is your first post. Edit or delete it, then start writing!